Kreu i vendit, Fatmir Sejdiu dhe ministri i Punëve të Jashtme, Skënder Hyseni, kanë
udhëtuar për në SHBA, ku do të zhvillojnë takime me kryetarë e përfaqësues shtetesh
të ndryshme, që do të marrin pjesë në takimin e Asamblesë së Përgjithshme të Kombeve
të Bashkuara në Nju Jork.

Pak para nisjes për në Shtetet e Bashkuara të Amerikës (SHBA), presidenti Sejdiutheksoi se gjatë kohës së zhvillimit të Asamblesë së Përgjithshme të OKB-së do tëzhvillojë takime të shumta me synim që të shpejtohet procesi i njohjes së pavarësisë
së Kosovës. Në një deklaratë dhënë në Aeroportin e Prishtinës, Sejdiu nuk ka komentuar as deklaratat e udhëheqësve serbë lidhur me këtë vizitë dhe as për mundësinë e vazhdimit të bisedimeve, pas vendimit të Gjykatës Ndërkombëtare të Drejtësisë lidhur
me pavarësinë e Republikës së Kosovës.

Ndërkohë, presidenti gjatë kësaj vizite në SHBA do të jetë i shoqëruar edhe nga
ministri i Punëve të Jashtme, Skënder Hyseni.

Bashkë me presidentin Sejdiu, në Nju Jork ka udhëtuar edhe zonja e parë e Kosovës,
Nezafete Sejdiu, e cila do të qëndrojë për vizitë në Kombet e Bashkuara, me ftesë të
Ban Son-Taek, bashkëshortja e sekretarit të përgjithshëm të Kombeve të Bashkuara Ban
Ki-Mun dhe do të marrë pjesë në "Takimin e dytë qendror vjetor të Kombeve të
Bashkuara për autizmin".

< Paraprake		Pasuese >