Ambasadorët e Kosovës, të emëruar së fundi, ka tre muaj që nuk kanë marr paga për punën që bëjnë. Kështu së paku shkruan Zëri, duke u thirr në burimet e saj. Sipas kësaj të përditshmeje, ky informacion jo zyrtarisht është konfirmuar edhe nga zyrtarë të lartë të qeverisë, por që nuk kanë pranuar të flasin publikisht për këtë gjë. “Është thjesht skandaloze”, ka thënë shkurt një zyrtar i lartë i Qeverisë së Kosovës. Me përjashtim të Ministrisë së Punëve të Jashtme, asnjë nga zyrtarët politikë apo ata që kanë shërbyer apo shërbejnë ende në misionet diplomatike të Kosovës, nuk kanë pranuar të flasin zyrtarisht me gazetën. Uliks Emra, u.d. i drejtorit të përgjithshëm në Ministrinë e Jashtme, në përgjigjet e kthyera “Zërit” pasditen e së premtes e ka mohuar se ndonjë ambasador ka mbetur pa rrogë.

< Paraprake		Pasuese >