Edhe pse konsiderohet ndër panairet më të mëdha në Kosovën e pasluftës, Panairi i Përgjithshëm Ndërkombëtar “Prishtina 2012”, i organizuar nga Oda Ekonomike e Kosovës, është injoruar nga zyrtarët e Qeverisë. Pjesëmarrës në panair sivjet ishin rreth 120 kompani, 60 vendore dhe 60 nga vendet e rajonit, kurse hapja e tij u bë në mungesë të zyrtarëve qeveritarë
Kryetari i Odës Ekonomike të Kosovës , Safet Gërxhaliu, tha se ajo që ka ndodhur në hapje të panairit ndërkombëtar “Prishtina 2012”, nuk shkon në favor të Kosovës dhe nuk i bën nder as bizneseve dhe as vendit. Gërxhaliu vlerësoi se Qeveria duhet të jetë më konstruktive dhe më serioze në qasjen me investitorët e huaj dhe jo të vazhdojnë të bredhin aeroporteve evropiane për të promovuar kinse potencialet për investime në Kosovë, duke i injoruar investitorët potencialë.

< Paraprake		Pasuese >