Ambasadori i Rusisë në OKB, Vitalij Çurkin i tha mbrëmë Këshillit të Sigurimit se vendi i tij është i shqetësuar rreth njoftimeve se kryengritësit sirianë po trajnohen në Kosovë.
Ai tha se nëse këto raporte janë të vërteta, prania e luftëtarëve sirianë në Kosovë do të minojë përpjekjet ndërkombëtare për të rivendosur paqen në Siri.
Por ministri i Jashtëm i Kosovës Enver Hoxhaj ka pranuar se Qeveria e Kosovës është në kontakt me opozitën siriane, por, hodhi poshtë pretendimet se luftëtarët kryengritës po trajnohen në Kosovë.
Edhe ministrja e Integrimeve evropiane, Vlora Citaku, tha sot në Prishtinë, se në Kosovë nuk po zhvillohen trajnime të sirianëve.

< Paraprake		Pasuese >