Në gjithë fatkeqësinë që ndodhi në Restelicë, vajza e vogël me emrin Amsera zbuti dhembjen. Ajo doli e gjallë nga rrënojat. Ata që e gjetën thanë se e nxorën nga gjiri i nënës së vdekur. Ishin momente emocionuese. Pamjet ekskluzive nga kjo ngjarje të siguruara nga ekipi i Klan Kosovës i përbërë nga Shkodran Gajraku gazetar dhe Ilir Hasani kameraman, kanë marrë botën. Televizionet dhe agjencitë më të mëdha botërore kanë transmetuar momentet kur pesë vjecarja nxirret e gjallë. Amsera shpëtoi falë angazhimit të njësive të shpëtimit dhe banorëve të fshatit. Ata me kohë kuptuan se dikush brenda është gjallë Pesë vjecarja që shpëtoi sot ishte e rrethuar me lodra dhe me mysafirë që shkuan për ta vizituar në Spitalin e Prizrenit. Ajo është mirë me shëndet.

< Paraprake		Pasuese >