Vazhdojnë publikimet e pjesëve të ditarit të Agim Zogajt të njohur si dëshmitari X në rastin Kleqka, ku ai akuzon Eulex-in dhe pjesëtarët e tij. Sipas të përditshmes Epoka e re, Dëshmitari “X” në ditarin e vet ka shkruar se misioni i EULEX-it është mbi ligjin. Po ashtu, ai ka shkruar edhe për një “padi” kundër prokurorit Maurizio Salustro. Në të ai përmend edhe dy agjentët e sigurimit për mbrojtjen e dëshmitarit, të cilëve iu referohet si shefi Donalld nga Britania dhe Hansi nga Gjermania. Ai po ashtu thotë se ka nënshkruar deklarata pa ditur se çka shkruhet në to, pasi që ato nuk i janë përkthyer dhe se ka dhënë dëshmi në podrumin e I. Bajraktari në Taukbaqe në Prishtinë, i sëmurë prej plagëve. Ai ka akuzuar misionin e EULEX-it se ka shkelur marrëveshjet me të kur ka qenë pyetja për t’ia siguruar banimin në Gjermani, ku edhe u vetëvra.

< Paraprake		Pasuese >