Plani katër pikësh i presidentit të Serbis, Boris Tadiq, kërkon zgjidhje që u konvenojnë vetëm serbëve, ndërsa nuk ofron asgjë për koncesionet që duhet të bëjnë shqiptarët. E vetmja gjë që tingëllon si ofertë e udhëheqësit serb është që në këmbim të këtyre pikave, Serbia nuk do të pengojë perspektivën evropiane të askujt, duke mos e përmendur fare nëse fjalën e ka për Kosovën apo cilin vend tjetër.
Sipas të përditshmes “Zëri”, që ka siguruar këtë dokument, tri nga katër pikat e propozuara nga Tadici kanë ngjashmëri të madhe me ato që ofrohen për serbët në Pakon e Ahtisaarit. Sidoqoftë, pika e tretë flet për veriun e Kosovës përmes të cilës kërkohet krijimi i entiteteve të veçanta për komunat e veriut, e të cilat së bashku do të quheshin edhe zyrtarisht “North of Kosovo”, apo “Veriu i Kosovës”. Një diplomat perëndimor, duke folur në kushte anonimiteti, e pranon interpretimin e “Zërit” si një nga pikat e dokumentit “që krijon përshtypjen e dëshirës për një Republikë Srpska në veri”.

< Paraprake		Pasuese >