Ministria e Jashtme e Kosovës do ta themelojë Institutin Diplomatik, i cili do të shërbejë për trajnimin e stafit diplomatik dhe konsulor dhe atyre që pretendojnë të jenë në të ardhmen diplomatë.
Zv. Ministri i Jashtëm Ibrahim Gashi tha se instituti do të shërbejë si zëvendësim i përkohshëm për Akademinë Diplomatike, e cila pritet të themelohet pas funksionalizimit të plotë të këtij instituti.
Si mysafir në Info Magazinë, Gashi foli edhe për konkursin rreth stafit diplomatik dhe konsulor. Sipas Gashit, më shumë se 700 kandidatë gjatë ditës së nesërme do të zhvillojnë testin fillestar për marrëdhënie ndërkombëtare, ndërsa në ditët në vijim do të kryejnë edhe testin për njohuri në gjuhët e huaja, nëpërmjet Këshillit Britanik.

< Paraprake		Pasuese >