Asociacioni anglez i futbollit ia ka marr Xhon Territ shiritin e kapitenit të kombëtares. Ky zhvillim erdhi pas akuzave se Terry abuzoi në baza racore me mbrojtësin e Quins Park Rejngjers, Anton Ferdinand, gjatë një takimi të premier ligës, në tetor.
Shqyrtimi gjyqësor për këtë rast pritet të nisë me 9 korrik, tetë ditë pasi të ketë përfunduar kampionati evropian i futbollit.
Nëse i merret shiriti, atëherë kjo do të jetë hera e dytë që Territ i mohohet të qenit kapiten në kombëtare. Hera e parë ishte në shkurt të vitit 2010, kur përzgjedhësi Fabio Kapello, ia hoqi këtë privilegj, pas akuzave për një aferë jashtëmartesore. 31 vjecari ka luajtur për Anglinë 67 herë, në 34 prej tyre ka qenë kapiten, ndërsa shënoi 6 gola.

< Paraprake		Pasuese >