Lady Gaga i drejtohet edhe politikës. Xhiroi një video, ku lut senatin dhe gjithë burrështetasit, që t’i lejohet homoseksualëve të jenë pjesë e ushtrisë.

Me qëndrim politik më të fortë se asnjëherë, Lady Gaga, kërkon nga fansat e saj, që të përkrahin shërbimin e komunitetit homoseksual në armatë përderisa ata nuk shprehin hapur orientimin e tyre seksual.

Në videon bardhë e zi e cila zgjatë rreth 7 minuta, Gaga paraqitet e ulur pranë flamurit amerikan e veshur me një bluzë të bardhë, kravatë të errët dhe xhaketë sportive.

Në videon e shfaqur në youtube, Gaga thotë: Jam këtu për të ngritur zërin e gjeneratës sime. Jo zërin e senatorëve të cilët votojnë, por të rinisë së këtij vendi.

Kjo video është postuar gjithashtu edhe në faqen personale të Gaga-s në Twitter dhe Facebook.

< Paraprake		Pasuese >