Nuk e hoqi vellon e zezë nga koka as në ditën e dytë të vizitës në Pakistan.

Angelina Jolie të mërkurën tha se duhet ndihmë e vazhdueshme ndërkombëtare, në mënyrë që ky vend të arrij të tejkaloj krizën, pas vërshimeve.

Në një konferencë për media në Islamabad, ambasadorja e vullnetit të mirë për UNHCR-në, tha se më së shumti është prekur nga fëmijët, të cilët në vend të shkollës e futbollit, kërkuan ushqim.

Ajo poashtu e quajti lajm tmerrues, planin e një pastori amerikan që të djeg Kuranin në përvjetorin e sulmeve të 11 shtatorit.

E pasdite, aktorja u takua me kryeministrin pakistanez, Syed Yousaf Raza Gilani, të cilit i ofroi ndihmën e saj.

Jolie ishte në një vizitë dyditore në vend, në mënyrë që të kthente vëmendjen e organizatave ndërkombëtare për viktimat e vërshimeve, të cilët lanë të pastrehë miliona njerëz në këtë vend.
 

< Paraprake		Pasuese >