Pianist Liu Wei përdor gishtërinjtë e këmbës për të luajtur në piano.

23 vjeçari, duart e të cilit janë amputuar pas një aksidenti në fëmijëri, luan në piano me gishtat e këmbës së tij.

Liu u bë i famshëm më herët gjatë këtij muaji, kur ai performoi në "China's Got Talent," versioni kinez i emisionit të njohur britanik, që e bëri Susan Boylen këngëtare botërore.

Në paraqitjen e parë, Liu morri duartrokitje të gjata nga publiku, shumica e të cilëve madje nuk u përmbajtën nga lotët, kur ai interpretoi "Mariage D'amour" nga Richard Clayderman. 

Ndër të tjera, ai kompozon edhe vetë.

Liu, që ishte vetëm dhjetë vjet kur humbi duart pas një aksidenti me rrymë, derisa po luante, përdor këmbët e tij për të ngrënë, për tu veshur, larë dhëmbët, e madje edhe për të shkruar në kompjuter.

Ai ka filluar të ushtroj piano kur ishte tinejxherë, dhe do të donte që njerëzit ta shihnin ashtu, thjesht pianist.
 

< Paraprake		Pasuese >