Sean Connery po feston ditëlindjen e tij të tetëdhjetë.
Karrierën e bujshme ndërkombëtare, aktori skocez e filloi si agjenti britanik 007, James Bond, por ishin filmat pasues që i dhanë më shumë mirënjohje nga kritikët ndërkombëtar, pasi kishte mundësi të tregonte talentin e tij.

Shpërblimin Oscar e mori në vitin 1988 për portretizimin e një polici nga Chicago, në filmin "The Untouchables".
Megjithatë, për miliona adhurues ai gjithnjë do të mbetet Bond, karakteri që e bëri të pavdekshëm në filmin "Dr No" të vitit 1962.

Pos filmave të kësaj serie, Connery aktroi edhe në "The Man Who Would Be King", "The Name of the Rose" e "The Hill". Sigurisht, të paharrueshme janë edhe rolet në “Indiana Jones And The Last Crusade," si dhe "Robin and Marian", ku pati mundësi të luaj rolin e Robin Hood, përkrah Audrey Hepburn.
 

< Paraprake		Pasuese >