Kompania Uboss në Prishtinë ka njoftuar se përkundër përpjekjeve për të rikthyer koncertin e Eros Ramazzottit në Prishtinë - edhe pas konfirmimit të dytë më 9 gusht, kanë pranuar një informatë nga menaxhmenti i artistit se e kane shume te veshtire të gjejnë një produksion të pershtatshem teknikisht dhe financiarisht për datën e re të koncertit.

“Produksioni i kontraktuar për datën 30 korrik - i cili nuk u lejua të futet në stadium, e ka të pamundur të vijë më 9 gusht”, thuhet në njoftim. “E gjithë kjo përpjekje dhe shtyerje e datës së koncertit përfundon me anulim të koncertit për këtë turne”, thuhet në komunikatën lëshuar për media.

Koncerti i cili ishte konfirmuar të mbahet më 9 gusht, do të mbahet ne turneun e ardhshëm të artistit në rrethana më të përshtatshme për organizatorët, ka njoftuar Uboss. Shumica e biletave tashmë të shitura janë duke u kthyer, dhe do të vazhdojnë të kthehen në zyrat e kompanisë çdo ditë pune duke filluar nga ora 09:00 deri në orën 18:00 - deri në biletën e fundit. Kompania i ka kërkuar falje adhurueseve te Ramazzottit si dhe media partnereve për të promovuar këtë koncert.

< Paraprake		Pasuese >