Aktori dhe këngëtari amerikan Mark Wallberg ka edhe një arsye për t’u krenuar. Ai mori yllin në shëtitoren e famës në Hollywood, të cilin nuk hezitoi ta puthë. U bë i njohur me bandën “New Kids on the Block”. Pas asaj iu bashkua filmit.
E të mërkurën mori vend në shëtitoren e famës në Hollywood. Ylli i kinematografisë Mark Wallberg u bë të mërkurën artisti i 2 mijë e 414-të që merr yllin e tij në qytetin e filmit në Amerikë. Wallbergut iu organizua një ceremoni solemne, ku ishin prezentë fansat, familjarët dhe kolegët e tij. Ylli i “The Shooter” tha se kur i është dhënë lajmi për yllin në shëtitoren e famës, ka menduar që dikush po bënë shaka me të. Kolegu i tij Will Farrell i kishte thënë se do të marrë yllin e tij, në 10 apo 15 vitet e ardhshme, por ja që ndodhi tani. Komediani Ferrel morri pjesë në ceremoni dhe vlerësoi lartë punën e Wallbergut. Tha se është fans i tij që nga vitet e 90-ta. Mark Wallberg në vitin 2006 u nominua për çmimin Oscar, në ribërjen e filmit The Departed nga regjisori Martin Scorceze.  Filma të tjerë të suksesshëm ku protagonistë ishte 39 vjecari janë The Italian Job, Rockstar, dhe së fundi edhe komedia-aksion The Other Guys.
 

< Paraprake		Pasuese >