Lady Gaga, ka refuzuar të marrë pjesë në Festivalin e Paqes në Prishtinë. Sipas portalit “Balkan Insight”, arsyeja e anulimit të pjesëmarrjes, është pse ajo është shumë e famshme për të ardhur në Kosovë.

Organizatorët e këtij festivali në Prishtinë kanë hedhur poshtë këtë lajm. Ata sqarojnë se një ftesë e tillë nuk i është bërë kurrë yllit të muzikës pop, Lady Gaga.

Festivali i paqes, apo Freedom Fest, organizohet çdo vit në Prishtinë me 12 dhe 13 Qershor. Vitin e kaluar mysafir ishin reperët Redmen, Method Man, Gus Gus dhe bende të tjera.

Tema e këtij edicioni të festivalit pritet të jetë liberalizimi i vizave për kosovarët. Ndërsa si moto, bileta e hyrjes do të duket si pasaportë.

Ende nuk thuhet saktësisht se cilat yje të muzikës, do të zbresin këtë herë në Prishtinë, meqë duket se nuk është zgjidhur çështja e financave.
 

< Paraprake		Pasuese >