“Libertas”, i regjisorit Velko Bulajiq, është filmi që u dha premierë, të martën për nder të 10 vjetorit të fillimit të punës së kinemasë ABC në Prishtinë.

Rrëfimi për shkrimtarin e shekullit të 16 nga Dubrovniku, Marin Dërzhiq, është vetëm një nga katër filmat që aktualisht janë në repertorin e këtij institucioni.

E gjithë kjo, pasi maji u shpall muaji i filmit, në shenjë të dekadës së parë të punës. Në ekran do të shfaqet edhe prodhimi serb “Besa”, me skenar dhe regji të Srgjan Karanoviq, që flet për një histori në Luftën e Parë botërore, kur një shqiptar i jep besën një serbi, se do t’ia ruaj gruan, derisa ai lufton.

Pos të tjerave, kinemaja do të sjellë në të njëjtën ditë me vendet tjera botërore, më 14 maj, premierën botërore të filmit “Robin Hood”.
 

< Paraprake		Pasuese >