Mbreti i muzikës pop Michael Jackson po vazhdon të thyejë rekorde, edhe 9 muaj pas vdekjes. Kompania "Sony" arriti një marrëveshje me pronën e Jackson-it, e cila vlen rreth 250 milion dollarë, sipas një raporti të Wall Street Journal.

Kjo është kontrata më e shtrenjtë që është nënshkruar ndonjëherë. E kjo i siguron personave që menaxhojnë të drejtat autoriale të mbretit, fitime deri në 200 milion dollarë, pasi parasheh shitjen e 10 albumeve në shtatë vitet e ardhshme.

Në të do të editohen këngë që nuk janë dëgjuar më herët, poashtu do të ketë edhe hite që nuk janë harruar.

Detaje të tjera do të dihen pas një njoftimi zyrtar, por kontrata dihet se do të përfshijë edhe kolonën zanore të dokumentarit “This is it”. Që nga vdekja e Jackson, më 25 qershor të vitit të kaluar, kompania “Sony” ka shitur më shumë se 31 milionë kopje të albumeve të tij, në të gjithë botën.
 

< Paraprake		Pasuese >