Çdo ditë e më shumë njerëzit kanë vështirësi të gjejnë partnerin e tyre ideal në jetë.

Edhe në Japoni femrat e kanë këtë problem. Por tash, beqarët e këtij vendi janë duke mprehur aftësitë e tyre, në një shkollë përgatitore që u hap në Tokio.

E quajtur “Infini”, në këtë vend femrat mësojnë si të ecin, të flasin e madje edhe të përkulen me hijeshi, e kjo jo vetëm për t’i pëlqyer burrit të ardhshëm, por edhe prindërve të tij.

Në një takim simulant, studentet flasin me një instruktor, e ndërsa profesorët vlerësojnë secilën shprehje të vajzave.

Sipas statistikave qeveritare, afër dy të tretat e grave nën moshën 34 vjeçe janë të pamartuara.

Shkolla pranon edhe student meshkuj, por interesimi i tyre është më i vogël.

E për të qenë pjesë e këtij edukimi, duhet të paguhet shuma prej 200 mijë jenëve në vit, apo rreth 1 mijë e 700 euro.
 

< Paraprake		Pasuese >