Producenti i filmit “The Hurt locker”, Nicolas Chartier s’do të mund të jetë në sallë kur të ndahen çmimet "OSCAR".
Ky është ndëshkimi që mori ndaj tij akademia e filmit, pas shkeli rregullat e saj.

Producenti i kishte dërguar një email jurisë, duke kërkuar prej tyre të emërojnë filmin e tij si më të mirin, e jo Avatarin.

Në këtë kërkesë, dërguar tek anëtarët e Akademisë së Filmit, Artit e Shkencës në fund të shkurtit, ai kërkoi të zgjidhet “Hurt Locker”, para filmit “500 milionësh”, duke iu referuar kështu buxhetit të madh që shpenzoi regjisori James Cameron, për filmin “Avatar”.

Madje, në porositë për jurinë, Chartier shkoi edhe më larg. Pos vendit të parë, ai kërkoi që filmi rival të lihet në pozitën e fundit, atë të dhjetën, në kategorinë kryesore.
Të dy filmat janë të nominuar gjithsej në nëntë kategori. Ceremonia e Oscarëve mbahet më shtatë mars e do të transmetohet direkt edhe në Klan Kosova.

< Paraprake		Pasuese >