Pas lojërave olimpike, sytë e të gjithëve janë kthyer tek shpërndarjet e çmimeve Oscar. Në javën e fundit para kësaj ceremonie, tashmë kanë filluar edhe parashikimet për fituesit.

Sipas sondazheve, në role dytësore do të shpërblehen Christoph Waltz dhe Monique, Jeff Bridges për aktorin më të mirë, ndërsa Sandra Bullock, ani pse favorite, mund të humbas garën nga Helen Mirren apo Meryl Streep.

Kritikët nga “Thefilmchair.com”, besojnë se Kathryn Bigelow e ka të sigurt fitoren në regjinë më të mirë, por në kategorinë e filmit më të mirë, vepra e saj “The Hurt Locker”, i ka mundësitë e përgjysmuara, pasi epiteti i më të mirit mund t’i shkojë “Avatar-it”, apo edhe “Ingloriues Basterds”.

Një gjë është e sigurt, befasi do të ketë edhe këtë vit. Nata më e veçantë e gjithë vitit, do të transmetohet drejtpërdrejt edhe në Klan Kosova. Emocionet e paharruara, lotët e qeshjet, nga Los Angeles me shtatë mars, do të vijnë në shtëpitë tuaja përmes ekranit tonë.

< Paraprake		Pasuese >