Këngëtarja Taylor Swift e gjallë u sfidua nga Michael Jacksoni i vdekur, në ndarjen e shpërblimeve të muzikës amerikane. Megjithatë, ajo doli triumfuese me pesë shpërblime, derisa mbretit të ndjerë të popit, iu ndanë katër shpërblime, të cilat në emër të tij i mori vëllai Jermaine.

Përballja e drejtpërdrejt e dy artsitëve ndodhi në kategorinë e artistit të vitit, por aty ngadhënjeu artisja e muzikës country.
Jackson u shpërblye dyfish si artisti më i mirë mashkull në kategorinë pop/rock dhe soul/R&B, ndërsa albumi i tij "Number Ones" u zgjodh si më i miri në po këto dy kategori.

Mirëpo, në këtë ceremoni finale nuk mungoi vetëm Jacksoni, tashmë i vdekur, por mungoi edhe këngëtarja Sëift, pasi gjendet në turne në Britani të Madhe.
Përveç tyre, shpërblime të dyfishta morën edhe Jay Z dhe Black Eyed Peas. Ndërsa kolegu i tij, Eminem shkoi në shtëpi duarthatë.

Përveç fituesve, mbrëmja pati edhe këngëtarë që performuan. Skenës ju rikthye edhe Jennifer Lopez, por u rrëzua.

< Paraprake		Pasuese >