Katër vjet luftuan ndërmjet vete.Serbët, kroatët e myslimanët e Bosnjës iu kundërvunë njëri tjetrit me aq ashpërsi e brutalitet në beteja sa që u akuzuan edhe për gjenocid. E tani veteranët boshnjak e kroat u bënë bashkë për një lufte të re. Po mbledhin para për t’i ndihmuar veteranët serb të cilët kanë mbetur pa pensione. Edhe tek ky akt i paimagjinueshëm kanë gisht politikanët e të tri palëve. Jo pse ata e deshën këtë, por për shkak të udhëheqjes së keqe me shtetin. Përfituesi më i madh i kësaj ndihme është serbi Slavko Rasheviq. Atij iu dhanë 500 euro për ta mbijetuar varfërinë e madhe që po e përjeton. Këtij ish-luftëtari i është dashur ta lidh rrymën nga fqinji i tij për shkak se nuk ka para për ta paguar.
 

< Paraprake		Pasuese >