Një nga stuhitë me të mëdha me borë dhe ngrica në 30 vjetët e fundit, goditi një rajon autonom mongolez në veri të Kinës. Televizioni shtetëror raporton se rrugët dhe transporti janë bllokuar krejtësisht në 4 provincat veriore të shtetit me së së shumti banorë në botë. Katër qytete në prefekturën Hinggan, i njohur si rajon i kullosave të bagëtive, janë përfshirë nga kushte të renda klimatike qe disa ditë. Një bari i kësaj ane i tha për mediat kineze se kjo po ia vështirëson atij shumë ushqimin e bagëtive. Sipas tij, kafshët shumë shpejt mund të ngordhin nga të ftohtit dhe mungesa e ushqimit, deri sa bora ka filluar të bie prapë. Ardhja e të ftohtit të madh, rreth 40 ditë më herët se zakonisht, deri tashti ka mbytur mbi 700 krerë bagëti dhe ka prekur 50 mijë banorë dhe më shumë se 6 mijë hektarë kullosa. Temperaturat në këto pjesë të Kinës, pritet të ulën edhe më shumë në tri ditët e ardhshme, ndërsa qysh tashti kanë rënë nën minus 20 gradë celsius.

< Paraprake		Pasuese >