Njëra nga gazetat më të respektuara evropiane, “Le Monde”, do të padisë zyrën e presidentit Nicolas Sarkozy, për spiunim të gazetarëve.

Gazeta franceze thotë se presidenti përdori shërbimet inteligjente për të identifikuar burimet e gazetarit.

Sipas tyre, qeveria ishte e pakënaqur në lidhje me mbulimin që gazeta i bëri skandalit të partisë në pushtet, e cila kishte marrë në vitin 2007 financime jo të rregullta nga kompania L’Oreal.

Zyra e presidentit mohoi të gjitha akuzat e gazetës. Por “Le Monde” thotë se vendosi të marrë masa ligjore, pasi burime në polici iu thanë se shërbimet inteligjente siguruan incizimet telefonike të një zyrtari të ministrisë së drejtësisë, i cili ishte në kontakt me gazetarin.

E sipas medias, qeveria theu ligjin për mbrojtjen e burimeve të reporterëve.
 

< Paraprake		Pasuese >