Triumf i kryeministrit Taip Erdogan në referendumin e fundit, që kishte për qëllim ndryshimet kushtetuese, shkruajnë mediet turke.

Ekspertët besojnë se kjo fitore do t'i ndihmojë atij dhe partisë së tij, në zgjedhjet e radhës që mbahen vitin e ardhshëm.

Përkundër festimit asgjë nuk është zyrtare, deri më tani janë numëruar 91% të votave që flasin për 59% të votuesve pro ndryshimeve kushtetuese.

Rezultati u përshëndet nga Bashkimi Evropian. Nga selia e saj në Bruksel, BE-ja porositi se ndryshimet e arritura kushtetuese, janë një adut i fuqishëm për ecjen para të Turqisë për anëtarësim në bllok.

Partitë opozitare turke kërkuan anulimin e propozimeve, me arsyetim se ato bien në kundërshtim me vlerat shekullore të shtetit Turk, dhe se me këtë hap kërkohet kontrollimi i sistemit ligjor nga partia në fuqi. Analistët thonë se rezultati i referendumit pasqyron gjendjen e vështirë në të cilën gjendet opozita turke.

Të propozuar për ndryshime janë 26 nene, ku përfshihet edhe epërsia e gjykatës civile mbi ato ushtarake

< Paraprake		Pasuese >