Ekipet shpëtimtare të Kilit po ballafaqohen me probleme të mëdha gjatë hapjes së tunelit nga ku pritet të dalin minatorët e bllokuar që nga 5 Gushti.

Operacioni i shpëtimit rrezikohet pasi makineria gërryese ka pësuar thyerje të rëndë në 268 metra thellësi. Ajo kërkon tashmë riparim, ndërsa shpimi do të bëhet në një koordinartë tjetër.

Ekspertët bëjnë të ditur se ky aksident do të shkaktojë vonesën e shpëtimit të minatorëve.

Plani parasheh hapjen e një tuneli me diametër prej 60 cm, nga do të kalojnë të ngujuarit.

Ndërkohë mjekët u kanë lejuar minatorëve të tymosin deri në dy pako cigare në ditë. Kjo kërkesë u mundësuar pasi ekspertët kishin rregulluar një sistem që mundëson qarkullimin e ajrit.

Minatorët tashmë janë pajisur me energji elektrike, për ndriçimin e galerive të tyre. Autoritetet kiliane nuk japin shpresa nëse shpëtimi do të ndodhë në kohë të shkurtër.
 

< Paraprake		Pasuese >