Pastori më i famshëm në botë tashmë për deklaratat e tij ekstremiste kundër besimit Islam Terry Jones, ka thënë se plani i tij për të djegur Kuranin më 11 shtator, nuk është anuluar, por e ka lënë pezull.

Edhe 24 orë para datës së shënuar ai ka marrë shumë mesazhe këshilluese që një plan i tillë të mos vihet në veprim.

Një prej tyre e ka dërguar Presidenti afgan Hamid Karzai i cili i ka kërkuar pastorit se as që duhet ta mendojë një gjë të tillë.

Por prifti protestant ende nuk ka hequr dorë nga plani i tij, pavarësisht apeleve të bëra nga liderë nga e gjithë bota, përfshirë edhe presidentin e tij, Barack Obama.

Cështja ka arritur deri aty sa edhe Sekretari i Mbrojtjes, Robert Gates t’i telefonojë pastorit të përfolur të kishës së Floridas.

Biseda është zhvilluar gjatë pasdites të së enjtes dhe sipas Pentagonit, numri një i mbrojtjes i ka bërë të qartë klerikut se po vë në rrezik jetën e ushtarëve amerikanë në Irak e Afganistan.

Edhe imami i Floridës Qendrore Muhammad Musri u takua me pastorin Jones, ditë më parë për arritjen e një kompromisi, por sipas Musrisë, kjo cështje i ka mbetur vetëm Zotit në duar për t'a bindur.
 

< Paraprake		Pasuese >