Dollari amerikan shënoi sot pikën më të ulët në 15 vjet, karshi Jenit japonez.

Monedha amerikane u kuotua 83,32 që është vlera më e ulët që nga majit i vitit 1995.

Asokohe vlera kishte rëndë në kuotën 79,75.

Euro nga ana e saj ka rënë në nivelin 105.77 ndaj Jenit.

Ndërkohë autoritetet japoneze nuk po tregojnë sinjale të qarta për të ndërhyrë.

Ministri i Financave Yoshihiko Noda, deklaroi se është tepër i rëndësishëm komunikimi me komunitetin ndërkombëtar në kuadër të shkëmbimeve me vendet e G7-ës.

Nga ana tjetër guvernatori i Bankës së Japonisë, Masaaki Shirakawa shtoi se banka qendrore është gati të ndërhyrje në tregje dhe të marrë masa të reja në atë moment që kushtet ekonomike të vendit do të përkeqësoheshin.
 

< Paraprake		Pasuese >