Miliona francezë pritet të ballafaqohen me një kaos në shërbimet publike.

Greva një ditore e organizuar nga sindikata e punëtorëve është përgjigje ndaj planeve të qeverisë në Paris, lidhur me reformat në sistemin e pensioneve.

Stacioni “A Gare du Nord”, i cili njihet për qarkullimin e jashtëzakonshëm, sot qëndroi i zbrazët.

Mediat franceze bëjnë të ditur se shumë njerëz nuk shkuan ne punë, ndërsa një pjesë tjetër e tyre vendosën të përdorin automobilat personale për t’i ikur vonesave.

Kreu i sindikatës së punëtorëve Fransis Chereque, tha se kjo protestë kundër reformave nuk do të përfundojë me kaq.

Sipas tij, shumë shpejt do të mbahet greva e rradhës ku do të protestojnë rreth dy milion njerëz në rrugët e Parisit.

Rritja e moshës së pensionimit në 62 nga 60, duke filluar nga viti 2018, është pjesë e një pakete masash me qëllim të frenimit të deficitit buxhetor.
 

< Paraprake		Pasuese >