Së paku 100 persona janë zhdukur të dielën në Guatemalë, si pasojë e një rrëshqitjeje masive të dheut. Fatkeqësia ka ndodhur kur personat tentuan të ndihmojnë një autobus që ishte ngujuar thellë në baltë.

Ekipet shpëtimtare tashmë kanë gjetur trupat e pajetë të 17 njerëzve, por bënë të ditur se kërkimi për të tjerët është i vështirë për shkak të tokës që vazhdon të rrëshqasë.

Autoritetet thonë se zyrtarisht 80 persona ende konsiderohen si të zhdukur, ndërsa në javët e kaluara më shumë se 12 mijë banorë u evakuuan dhe janë në kërkim të një strehimi të përkohshëm.

Më shumë se 150 veta humbën jetën në Guatemalë në muajin Maj, kur Amerika Qëndrore u godit nga stuhia tropikale, Agatha.

Për ditët në vijim, meteorologët parashikojnë reshje të tjera të shiut.
 

< Paraprake		Pasuese >