Dhjetëra mijëra myslimanë të dielën mbrëma u grumbulluan para xhamisë Al Aqsa në Jerusalem për t’u lutur me rastit e natës së Kadrit.

Besimtarët vërshuan rrugët e ngushta të qytetit të shenjtë i cili është edhe vendi ku ndodhet tempulli i tretë më me rëndësi në besimin islam.

Nata e Kadrit përkujton natën kur besohet se profeti Muhamed mori ajetet e para të Kuranit, koha e saktë e së cilës nuk dihet, por besohet se ishte në natën e 27 të muajit të Ramazanit.

Xhamia e Al Aksës ka rëndësi të veçantë në botën e islamike pasi thuhet se nga ky vend profeti Muhamed ishte ngritur në xhenet.

Izraeli në luftën e vitit 1967 ka aneksuar pjesën arabe të Jerusalemit Lindor, në të edhe Xhaminë e Al Aqsës. Hebrenjtë gjithashtu e konsiderojnë Jerusalemin si qytetin e tyre më të shenjtë.

Ramazani mbahet në muajin e nëntë sipas kalendarit islamik kur Kurani ka filluar t’i zbresë profetit Muhamed. Gjatë kësaj kohe, besimtarët muslimanë agjërojnë nga lindja e diellit e deri në muzg.




 

< Paraprake		Pasuese >