Të paktën 27 persona kanë gjetur vdekjen si pasojë e një përleshje të armatosur në mes ushtrisë dhe një grupi kriminal mbrëmë në Ciudad City të Meksikës.

Të gjithë viktimat janë pjesë e një karteli të drogës, që operonte në këtë territor kufitar me Shtetet e Bashkuara.

Autoritetet meksikane raportuan se përleshjet kishin nisur kur një patrullë e ushtrisë, ishte afruar afër një kampi që shërbente për trajnimin e trafikuesve të drogës.

Sipas medieve dy nga pjesëtarët e armatës kanë mbetur të lënduar.

Javëve të fundit janë regjistruar disa përleshje në mes bandave të drogës dhe autoriteteve meksikane. Më shumë se 100 persona kanë mbetur të vdekur.
 

< Paraprake		Pasuese >