Do të duhen muaj të tërë që operacionet e kërkim shpëtimit të nxjerrin minatorët kilian mbi tokë. Në dijeni për këtë janë edhe minatorët që po qëndrojnë 700 metra nën tokë

Kështu bëri të ditur të Ministri kilian i shëndetësisë Jaime Manalich.

I pari shëndetësisë vlerësoi të mërkurën se kushtet momentale nuk lejojnë operacionet e kërkim shpëtimit të futen në një aventurë të tillë.

Manalich tha se lajmi i është kumtuar edhe minatorëve, të cilët sipas tij, kanë reaguar qetë.

Shteti kilian po mbështet fuqishëm 33 minatorët, të cilët nga 5 gushti mbetën të ngujuar 700 metra nën tokë.

Pas bisedës telefonike të Presidentit kilian Sebastian Pinera me minatorët, mbështetja erdhi edhe nga përfaqësuesja kiliane e futbollit.

Kombëtarja dërgoi një fanellë të nënshkruar dhe shprehu mbështetje të fuqishme për ta.

Punonjësit në minierën e San Joses në Kopiapo mbetën në tokë si pasojë e rrëshqitjes së gurëve.

Ata për momentin kanë rezerva të bollshme të ushqimit dhe ujit.
 

< Paraprake		Pasuese >