Dhuna në Meksikë nuk ka të ndalur. Të martën mbrëma policia Meksikane ka gjetur dy burra të varur mbi një urë afër qytetit Chilpanqiko.

Autoritetet gjetën një numër të madh të gëzhojave dhe një mesazh nga një grup i ri të drogës që veten e quajnë “Sierra”. Ata kërcënojnë me hakmarrje kundër kriminelëve që kryejnë plaçkitje në këtë zonë.

Ndërkohë mediet lokale bënë të ditur se disa kilometra më larg në një minierë të braktisur, policia ka zbuluar të paktën 19 trupa të pajetë.

Prokurori Carmen Archundia bëri të ditur se tre burra të arrestuar ditë më parë, çuar policinë tek miniera.
Forcat e rendit, kanë gjetur edhe një varrezë masive në veri lindje të Meksikës në një fermë. Deri më tani janë zbuluar 72 trupa të pajetë.

Që nga viti 2006 më shumë se 28 mijë njerëz kanë humbur jetën në luftën ndërmjet karteleve dhe forcave të sigurimit.
Më të dhunshëm janë qytetet kufitare me SHBA-n, si Ciudad Juarezi ku kriminelët luftojnë për kanalet e trafikimit të drogave drejt Amerikës.
 

< Paraprake		Pasuese >