Bashkimi i lumenjve në pjesën veriperëndimore të Pakistanit ka shqetësura këtë vend, për pasojat të mëtejshme që mund të lënë përmbytjet. Në saj të përgatitjeve më të mira, në terren doli edhe gjenerali Ashfaq Parvez Kayani i cili vizitoi vendet e prekura nga shirat që shkaktuan vdekjen e më shumë se 1,300 personave. 30,000 ushtarë janë angazhuar t’iu dalin në ndihmë personave të prekur nga vërshimet, ndërsa organizata World Vision ka shprehur shqetësimin se në këto vende mund të shfaqen epidemi të ndryshme. Shtetet e Bashkuara të Amerikës dërguan një kontingjent ndihmash me 50,000 racione ushqim, ujë të pijshëm, anije për shpëtim dhe helikopterë. Deri tani, Amerika ka dhënë 10 milion dollarë donacion për këtë vend. Operacionet për shpëtimin e njerëzve po vazhdojnë, në kohën kur ende nuk dihet fati i 150 personave të tjerë. Ndihma për personat e shpëtuar është urgjente, për shkak të ushqimit të dobët dhe ujit jo të pijshëm. Për fat të keq, meteorologët kanë parashikuar shi edhe gjatë ditëve në vijim.
 

< Paraprake		Pasuese >