Edhe Rusia po sfidohet nga një fenomen natyror, por këtu rolin kryesor e ka zjarri. Të paktën 28 persona humbën jetën, dhe më shumë se 3.500 banorë të tjerë janë evakuuar, si pasojë e zjarrit që ka pushtuar Rusinë qendrore.

Zjarri që së pari shpërtheu në pyje, goditi fuqishëm edhe vendbanimet e këtij rajoni, duke djegur më shumë se 1.200 shtëpi. Presidenti i vendit Dmitry Medvedvev urdhëroi ushtrinë që të ndihmojë në evakuimin e banorëve dhe lokalizimin e zjarreve.

Nga ana tjetër hiç më mirë nuk është as në Kaliforni.
Në këtë vend të Amerikës zjarrfikësit po tentojnë të vënë nën kontroll zjarrin, që deri sot ka arritur të djeg rreth 700 hektarë pyje.

Nuk është raportuar për ndonjë viktimë, por gjendja është alarmante pasi që zjarri mund të arrijë deri tek vendbanimet që gjenden në afërsi.
 

< Paraprake		Pasuese >