Katër shpërthime gati të sinkronizuara që kishin për shënjestër Bankën Qëndrore të Bagdadit morën jetën e së paku 12 personave, derisa dhjetëra të tjerë janë lënduar.

Autoritetet bënë të ditur se pas shpërthimeve një grup i armatosur ishte futur brenda ndërtesës duke qëlluar të pranishmit.

Mjekët në spitalin e Bagdadit thotë se së paku 40 persona të lënduar janë dërguar në spital, ndërsa shumë prej tyre janë në gjendje të rëndë.

Sipas zyrtarëve ende nuk është e qartë nëse sulmi kishte për qëllim grabitjen e vet bankës, apo është një sulm me motive politike, pasi sot pritet që parlamenti irakian të zgjedhë kryetarin e vendit dhe atë të parlamentit.

Dhuna në Irak ka pësuar rrënje të dukshme, krahasuar me gjakderdhjen ndër sektare të vitit 2006-2007.



 

< Paraprake		Pasuese >