Meksika vazhdon të vuajë pasojat e konflikteve ndërmjet narko-karteleve. Si rrjedhojë e kësaj në dy ditët e fundit në dy qytete të ndryshme kanë humbur jetën së paku 40 persona.

Në orët e vona të së premtes një numër i personave të armatosur kanë sulmuar qendrën rehabilituese në qytetin Chihuahua duke lënë të vrarë 19 persona.

Kjo nuk është hera e parë që sulmohen këto qendra, pasi sulmuesit besojnë se aty fshihen pjesëtarët e karteleve rivale.
Rreth dhjetë orë pas këtij sulmi autoritetet meksikane zbuluan 20 trupa të pajetë, të shpërndara nëpër qytetin e Ciudad Madero.

Prokurori i përgjithshëm bëri të ditur se në mesin e viktimave ishin edhe 2 gra.
Përveç trupave të pajetë, në vendin e ngjarjes policia gjithashtu ka gjetur armë të kalibrit të madh, që hedh dyshimin se në këtë vend kishte ndodhur një betejë ndërmjet dy bandave kriminale. Që nga viti 2006 kur presidenti Calderon mori postin më shumë se 23 mijë njerëz kanë humbur jetën.

< Paraprake		Pasuese >