Përmbytjet në Poloni po i shkaktojnë shumë telashe Varshavës zyrtare. Gjendja e rëndë besohet se do të shkaktojë shtyrjen e zgjedhjeve të parakohshme presidenciale. Vërshimet në Poloni tejkaluan parashikimet e qeverisë.

Tani më përmbytjet në vendin e Evropës Qendore, rrezikojnë edhe zgjedhjet presidenciale. Mediat polake raportuan të mërkurën se gjëja e fundit që u bie në mend qytetarëve është të zgjedhin presidentin e ri, zgjedhje këto që vijnë si pasojë e vdekjes aksidentale të Presidentit Lech Kazhinski.

Sipas tyre, qytetarët po mendojnë se si të riaftësohen nga vërshimet shkatërruese, që ka kohë që kanë goditur vendin e tyre. Kryeministri Donald Tusk është në presion të madh që të shtyjë zgjedhjet që ishin paraparë të organizohen më 20 qershor.
Tusk deri më tani ka bërë përpjekje maksimale për të mos shpallur gjendje katastrofës natyrore.
Nga përmbytjet, deri më tani llogaritet të kenë humbur jetën 20 persona.
Gjithsej 42 mijë persona janë prekur dhe 12.850 shtëpi janë vërshuar.
Vërshimet shkatërruese raportohet t’i kenë kushtuar Polonisë me 695 milionë dollarë amerikan.

< Paraprake		Pasuese >