Presidenti serb Boris Tadiç do të qëndrojë sot për vizitë njëditore në Shkup, i ftuar nga presidenti Gjorgje Ivanov, njofton agjencia e lajmeve INA.

Kjo vizitë konsiderohet e papritur, pasi që ajo nuk ishte paralajmëruar në agjendën e presidentit Ivanov. Takimi midis dy homologëve do të zhvillohet në darkë në vilën presidenciale Vodno në Shkup.

Marrëdhëniet dypalëshe dhe çështjet në rajonin e Ballkanit do të jenë temat e takimit, bëjnë të ditur burime pranë presidencës në Shkup.

Kjo është vizita e dytë e presidentit Tadic, pas zgjedhjes së presidentit Ivanov në krye të vendit. Vizita e parë ishte ajo e inaugurimit të maqedonit në post, e ku nuk qe ftuar presidenti kosovar, Fatmir Sejdiu.
 

< Paraprake		Pasuese >