Komandot shqiptare do të kenë mundësi të përfshihen në luftime në Afganistan, pasi deri më tani misioni i trupave shqiptare ka qenë kryesisht ruajtjen dhe sigurimin e objekteve të rëndësisë së veçantë.

Kosovapress duke cituar mediat shqiptare raporton se deri tani misioni i trupave paqeruajtëse të Shqipërisë ka qenë kryesisht ruajtja dhe sigurimi i objekteve të rëndësisë së veçantë, si edhe shoqërimi i personaliteteve afgane dhe nuk ka pasur angazhime direkte në luftë.

Duke filluar nga muaji korrik, ushtarët shqiptarë do të jenë pjesë e operacioneve luftarake përkrah marinsave amerikanë dhe kolegëve të vendeve anëtare të NATO-s.

Lajmi konfirmohet zyrtarisht përmes një projektligji të depozituar për miratim në Kuvend, nga Qeveria.

“Drafti propozon një amendim në ligjin nr.8290, datë 24.2.1998 ‘Për përdorimin e armëve të zjarrit’ që iu mundëson komandove shqiptare në Afganistan të përdorin armët, në luftimet kundër terroristëve”, shkruan “Gazeta shqiptare”.
 

< Paraprake		Pasuese >