Në samitin e “Euroazisë dhe Lindjes së Mesme” që është hapur sot në Ankara të Turqisë, pritet që vendet e pranishme të kërkojnë nga ato ndërkombëtare, ndëshkimin e Izraelit për aksionin e përgjakshëm ndaj aktivistëve humanitarë dhe anijes që bartte ndihma për Palestinezët e Gazës.

Të pranishëm do të jenë liderët nga Turqia, Rusia, Kina, Irani dhe Pakistani. Ndërkohë Izraeli për të kursyer liderët e tyre të lartë, përballë mllefit ndërkombëtar, janë duke dërguar një zyrtarë të nivelit të ulët nga ambasada izraelite në Turqi.

Ministri i Punëve të Jashtme të Turqisë Ahmet Davutoglu, tha se Izraeli duhet të pranojë hetimet ndërkombëtare rreth vrasjes së 8 nënshtetasve turq.

Ai shtoi se nëse Izraeli pranon formimin e grupit hetimor, marrëdhëniet Turko-Izraelite do të marrin drejtim pozitiv, përndryshe nuk do të bëhet fjalë për normalizimin e marrëdhënieve.
 

< Paraprake		Pasuese >