Këshilli i Organizatave Shqiptare në Maqedoni paralajmëron protesta të reja masive në Shkup, nëse në një afat të shkurtër prokuroria publike nuk fillon hetime për rrethanat në të cilat policia maqedonase vrau katër shqiptarët në fshatin Radushë të Shkupit.

Përfaqësuesit e këtij këshilli i kanë dhënë afat prej 7 ditëve prokurorit publik që të fillojë hetime, në të kundërtën do të kërkojnë dorëheqjen e tij.

Ky këshill vlerëson se heshtja e organeve kompetente ndaj apeleve për hetime të reja për aksionion policor në Radushë është dëshmi se bëhet fjalë për aksion të montuar.

KOSH para një muaji organizoi protesta masive në të cilat kërkoi rishqyrtimin e të gjitha rasteve ku janë vrarë dhe dënuar shqiptarë, duke vlerësuars e bëhet fjalë për raste të montuara me prapavijë politike.
 

< Paraprake		Pasuese >