Stuhia tropikale Agatha që ka prekur Amerikën Qëndrore ditët e fundit ka dëmtuar rëndë vendet si Guatemala dhe Hondurasi.

Deri tani janë konfirmuar 150 vdekje, derisa vazhdon kërkimi për afro 100 të zhdukur. Mijëra banorë janë detyruar të evakuuohen derisa qytetarët e Guatemalës janë duke u marrë me pasojat e asaj që mbeti pas stuhisë.

Banorët e Hondurasit ende janë duke u përpjekur të largojnë ujin e tepërt. Në kryeqytetin Tegusigalpa lagjet e tëra janë vërshuar sa që vetëm çatitë e shtëpive shihen.

Amerika Qëndrore preket nga stuhitë tropikale çdo vit, por ekspertët bënë të ditur se këtë herë shiu ka filluar shumë më herët se zakonisht dhe se vëllimi i ujit është dyfish në krahasim me vitet e kaluara.

Meteorologët parashohin stabilizim të motit për ditët në vijim.
 

< Paraprake		Pasuese >