Këshilli i Sigurimit i Kombeve të Bashkuara ka miratuar një deklaratë pas negociatave intensive që vazhduan deri në orët e vona të së hënës.

Aty thuhet se hetimet rreth incidentit të djeshëm ku humbën jetën 19 aktivistë pro palestinezë duhet të jenë të menjëhershëm, të besueshëm dhe transparentë.

Të paktën 19 aktivistë u vranë kur komando izraelite sulmuan anijet me ndihma që kishte destinacion Rripin e Gazës.

Teksti përfundimtar ishte kompromis mes Turqisë dhe Shteteve të Bashkuara. Turqia dënoi ashpër Izraelin, derisa SHBA-ja, aleate e ngushtë e Izraelit, u përpoq që ta zbuste gjuhën e deklaratës.

Ende është e paqartë se çka ka ndodhur me gjashtë anije që janë dërguar në portin Ashdod. Një numër i protestuesve janë atdhesuar, derisa rreth 600 aktivistë pro-palestinezë janë dërguar në një burg në Izraelin jugor.

Aksioni i Ushtrisë Izraelite ka shkaktuar mllef të madh në mbarë botën. Ambasadat Izraelite janë vërshuar nga protestuesit në shumë vende duke filluar nga lindja e mesme, Amerika Latine dhe Qëndrore si dhe kryeqytetin Amerikan, Washington.  
 

< Paraprake		Pasuese >