Ideja për unifikim të teksteve shkollore për nxënësit shqiptarë, e aktualizuar së fundmi nga kryeministri Sali Berisha, do të realizojë synimin për bashkimin shpirtëror të shqiptarëve, vlerësojnë intelektualët shqiptarët në Maqedoni.

Mirëpo ata thonë se në këtë projekt duhet të përfshihen tekstet shkollore për nxënësit shqiptarë në tërë Ballkanin, e jo vetëm tekstet për nxënësit nga Shqipëria dhe Kosova.

Në Maqedoni mbi 30 për qind e nxënësve në shkollat fillore dhe të mesme janë shqiptarë. Për këtë arsye, kryetari i Lidhjes së Arsimtarëve shqiptarë Nuhi Dardhishta, kërkon nga institucionet kompetente që sa më shpejt të fillojnë realizimin e idesë për unifikimin e teksteve shkollore.

Në ministrinë e arsimit të Maqedonisë shprehin gatishmëri të kushtëzuar për pranimin e një ideje për unifikim të teksteve shkollore të nxënësve shqiptarë me tekstet shkollore në Shqipëri dhe Maqedoni. Përfaqësuesit e ministrisë thonë se fillimisht duhet të unifikohen plan programet shkollore, si dhe të nënshkruhen marrëveshje adekuate për bashkëpunim mes ministrive përkatëse, e pastaj të fillohet të mendohet për unifikim të teksteve shkollore.
 

< Paraprake		Pasuese >