Banorët e kryeqytetit kulturor të Pakistanit, Lahore ende janë në shok, një ditë pas sulmeve në dy xhami, që lanë të vdekur së paku 80 persona dhe më shumë se 100 të lënduar. Pas namazit të së premtes disa persona të armatosur hynë në xhami dhe filluan të gjuajnë me armë në drejtim të besimtarëve.

E kur forcat e sigurisë tentuan të hynë në tempull, sulmuesit hodhën veten në ajër.

Zyrtarët e Spitalit në Lahore, janë më se të sigurt se numri përfundimtar i viktimave do të jetë më i lartë, kjo për shkak të lëndimeve të rënda të shumë personave.
Sipas autoriteteve dyshimi bie mbi militantët islamikë që kishin për shënjestër minoritetin mysliman të “Ahmadis”.

Brenga e banorëve të Lahorës është se sulmi i ditës së djeshme do të çojë drejt gjakderdhjeve të reja në vend.
Pakistani është aleat kyç i SH.B.A-ve në luftën kundër militantëve islamik, dhe si pasoj shumë shpesh është skenë e dhunës ndër sektare.

 

< Paraprake		Pasuese >