Të paktën 65 persona vdiqën dhe 200 të tjerë u lënduan, si pasojë e një shpërthimi në një tren në Indi. Autoritetet indiane thanë se ky është një sabotazh i Maoistëve.
Treni i shpejtë që përshkon hekurudhat e Indisë lindore, të premten nuk ia doli të kompletojë destinacionin e plotë.

Gyaneshvar Express që u nis nga Mumbai për në Kalkutë, hasi në një shpërthim të fuqishëm, që devijoji vagonët nga binaret hekurodhore.

Të paktën 65 persona vdiqën, ndërsa më shumë se 200 llogariten të jenë lënduar. Një numër i madh i pasagjerëve besohet të kenë ngecur brenda këtyre vagonëve. Dyshohet se akti i dhunshëm është kryer nga maoistët.
I këtij mendimi ishte edhe Ministri i Hekurudhave Vivek Sahai. Reagoi edhe Kryeministri Manmohan Sing, i cili veprimtarinë e sulmuesve e quajti sfidën më të madhe të qeverisë në Delhi.

Maoizmi është një lëvizje që mbron interesat e fshatarëve dhe fermerëve në Indi. Veprimtaria e tyre shtrihet nëpër 20 shtete të Indisë. Sulmet ndaj uniformave vendase besohen të jenë kryer si pasojë e dhunës së shtruar kundër tyre.
 

< Paraprake		Pasuese >