Shteti komunist ndërpreu edhe një marrëveshje me Korenë e Jugut, që parashihte shmangien e një konflikti të armatosur.

Koreja e Veriut të enjten ndërpreu marrëveshjen me Korenë e Jugut, që parasheh shmangien e përleshjeve aksidentale.

Hapi i tillë i zyrtarëve të shtetit komunist vjen në një moment, kur marrëdhëniet në mes dy vendeve simotra kanë pësuar një ftohje të thellë.

I gjithë ky tension erdhi pasi Koreja e Jugut akuzoi shtetin komunist për fundosjen e anijes luftarake, ku mbetën të vdekur 46 marinarë. Një ditë më parë Penjani zyrtar iu kërcënua Seulit me luftë. Shteti komunist bëri të ditur se ka vënë në gatishmëri të gjithë armatën për një goditje drejt fqiut jugor.

Ata bënë thirrje edhe për lundrat e jugut që të mos kalojnë kufirin ujorë, sepse ndryshe do të asgjësohen.
Përgjigjja erdhi menjëherë nga jugu, pasi Gjenerali amerikan Walter Sharp nga Seuli bëri të ditur se Jugu ka të gjithë mbështetjen e duhur nga Shtetet e Bashkuara.

Në shtetin demokratik po organizohen edhe protesta të ashpra. Ndryshe nga dy palët zyrtare, qytetarët e të dyja vendeve vazhduan të kalojnë kufirin ndërmjet dy vendeve, përkundër rritjes së tensioneve.
Kriza në Kore ka shkaktuar turbulence të mëdha në bursat aziatike.
 

< Paraprake		Pasuese >